Një gjykatë izraelite ka dënuar me pesë muaj burgim një poete të shquar palestineze me arsyetimin për “nxitje të terrorizmit”.
Tatour është shtetase izraelite e cila i përket pakicës palestineze arabe që mbeti në vendin e vet pas themelimit të Izraelit në vitin 1948, ngjarje së cilës palestinezët i referohen si “Nakba” ose “Katastrofa”.
Tatour, banore 36 vjeçare e qytetit të Al-Rina në veri të Galilesë, u arrestua nga autoritetet izraelite në vitin 2015 për poezinë e saj me titull “Reziston, populli im, rezisto”, raporton agjencia turke e lajmeve Anadolu.
Në fillim të vitit 2016, Gjykata Qendrore e Izraelit në Nazareth e liroi Tatourin nga paraburgimi, por e vendosi atë në arrest shtëpiak.
Ende nuk dihet nëse poetja e burgosur planifikon të ankimojë dënimin gjyqësor.
