Britania e Madhe, e cila nga 1 gushti do të marrë kryesimin e Këshillit të Sigurimit të OKB-së, po planifikon të bllokojë mbajtjen e seancës së rregullt ku prezantohet raporti 3 mujor për Kosovën.
Sipas “Veçernje Novosti”, aktualisht në KS të OKB-së, është duke u zhvilluar debati rreth agjendës së Këshillit të Sigurimit, për muajin gusht dhe Londra nuk e ka kandiduar temën e Kosovës, sepse ata vlerësojnë se situata është e mirë dhe nuk ka nevojë që të ketë debat të tillë.
Shefi i diplomacisë serbe, Ivica Daçiq, ka thënë se Britanisë së Madhe nuk i intereson qëndrimi serb.
“Kjo për ne është një porosi e qartë”, ka thënë Daçiq për Novosti.
Sipas Novostit, këtij qëndrimi po i kundërvihen Kina dhe Rusia, ndërsa rezultati i kësaj do të merret vesh deri në fund të javës. Por, raporti tremujor i Sekretarit të OKB-së megjithatë do të përgatitet.
