Gjyqtari i Gjykatës së Rrethit të Tiranës Bledar Abdullai është shkarkuar disa minuta më parë nga Komisioni i Pavarur i Kualifikimit teksa relatori i çështjes ka theksuar katër ditë më parënë seancën primare të “Vetingut” se Abdullai ka patur disa probleme me deklarimin e saktë të pasurisë.
Më HERËT
Ka qenë radha e gjyqtarit të Gjykatës së Tiranës, njëkohësisht kandidat për Këshillin e Lartë Gjyqësor, Bledar Abdullai, që të dalë sot në veting.
Në seancën dëgjimore, Komisioni i Pavarur i Kualifikimit konstatoi se Abdullai nuk ka bërë deklarim të saktë të pasurisë së tij.
Kështu, subjekti në fjalë dhe personat e bashkëlidhur nuk kanë përmbushur detyrimet ligjore për të deklaruar disa prona që disponojnë.
Gjyqtari ka deklaruar se është investitor në fondin e pensioneve, në një bankë të nivelit të dytë, por nuk ka deklaruar se edhe bashkëshortja e mamaja e tij, janë aksionere në të njëjtën shoqëri.
