New Orleansi u trondit nga një sulm i armatosur mbrëmjen e të shtunës, ku dy persona të armatosur qëlluan ndaj njerëzve që ndodheshin në rrugë.
Ngjarja u regjistrua rreth orës 22:30, ndërsa momentalisht janë raportuar tre persona të vdekur dhe të paktën 7 të plagosur.
Këta të fundit janë transportuar për në spitalin e qytetit, ndërsa për gjendjen e tyre nuk është raportuar ende asgjë.
“New Orleans nuk ka vend për këtë lloj dhune. Flas në emër të qytetit dhe theksoj se jemi të lodhur dhe zemëruar nga raste të tilla, që kanë qenë më shumë se sa duhet”, shkroi në Twitter kryebashkiakja e New Orleansit, LaToya Cantrell.
Ndërkohë policia nuk ka dhënë ende detaje në lidhje me personat e armatosur, që organizuan sulmin mbi qytetarët.
