Kryetari i Lidhjes Demokratike të Kosovës, Isa Mustafa thotë se kontributi i jashtëzakonshëm i veprimtarit Adem Demaçi do të përkujtohet dhe nderohet nga qytetarët e Kosovës.
Mustafa, përmes një postimi në Facebook, thotë se një “disident i pathyeshëm dhe një jokonformist” si Demaçi, i duhej botës shqiptare.
Lamtumirë Baca Adem!
Kontributi dhe rezistenca e jashtëzakonshme e Adem Demaçit për liri gjatë okupimit serb, do të përkujtohet e do të nderohet brez pas brezi nga qytetarët e Kosovës, por edhe më gjerë.
Baca Adem ishte një disident i pathyeshëm dhe një jokonformist që i duhej botës shqiptare.
Në këto çaste më bien ndër mend fjalët e Presidentit Rugova i cili thoshte se: “Demaçi është shkrimtar i harmonisë shqiptare dhe njerëzore, humanist i madh”.
Andaj, Baca Adem, u prehsh i qetë në dheun e Kosovës së lirë, për të cilën sakrifikove aq shumë! IM
