Plagosje me armë zjarri përpara Bashkisë së Korçës pas një konflikti mes dy grupeve të rinjsh. Ngjarja ka ndodhur pak minuta më parë.
Personat e përfshirë në konflikt kanë zbritur nga tre automjete dhe janë përleshur me njëri-tjetrin. Për pasojë njëri prej tyre, i identifikuar si Erjon Hoxhallari, ka mbetur i plagosur rëndë me armë zjarri. Ai është transportuar me urgjencë në drejtim të spitalit të Korçës ku mësohet se ndodhet në gjendje të rëndë shëndetësore.
Pak minuta pas ngjarjes policia arrestoi dy autorët si dhe është shpallur në kërkim një tjetër. Gjithashtu, të arrestuarve iu është sekuestruar edhe arma e krimit me të cilën shkaktuan plagosjen. Vijojnë hetimet për zbardhjen e rrethanave të kësaj ngjarje.
