Policia Rrugore forcon kontrollet gjatë fundjavës, ndërsa u ‘shtrëngon rripin’ drejtuesve të mjeteve që nuk zbatojnë rregullat e qarkullimit.
Kështu përgjatë natës në pranga kanë rënë 6 shoferë, të cilët rezultonin se drejtonin mjetin në gjendje të dehur, ndërsa disa të tjerë janë ndëshkuar me heqje patentash.
Po ashtu burime policore thanë se mes të ndëshkuarve ka dhe nga ata drejtues që ecin me shpejtësi tej normave të lejuara, deri në 167 km/h.
NJOFTIMI I POLICISË
Krahas sigurimit dhe masave per mbarevajtjen e koncertit qe zhvillohej ne Sheshin Skenderbej, Policia Rrugore e Tiranes, ne perfundim te eventit po ndjek me prioritet detyrat e caktuara ne Planin Operacional Tispol Korrik 2018, me objekt kryesor testimin e drejtuesve te mjeteve per nivelin e alkoolit, ku nga kontrollet e ushtruara ne disa rruge te ndryshme te qytetit, deri ne keto momente kane rezultuar:
• 6 drejtues mjetesh jane arrestuar ne kushtet e flagrances per drejtim mjeti ne gjendje te dehur ne nivele qe variojne nga 0.53 mg/l deri ne 1.07 mg/l
• Jane pezulluar 15 leje drejtimi per shpejtesi tej normave te lejuara që varionte deri në 167 km/h
• Jane pezulluar 12 leje drejtimi per drejtim mjeti nen ndikimin e alkoolit
• Jane ndaluar administrativisht 16 mjete per detyrime administrative te pashlyera
• Jane ndeshkuar 5 automjete per mosrregullim shpejtesie, vecanerisht ne qendrat e banuara si dhe jane vendosur nje numer i konsiderueshem masash administrative per kundravajtje te ndryshme.
Nderkohe kontrollet dhe verifikimet policore vijojne pa nderprerje, me qellim rritjen e parametrave te sigurise per te gjithe perdoruesit e rrugës”, thuhet në njoftimin e policisë në ‘Facebook’.
