Një delfin femër, shtatzënë, është gjetur i vrarë më 30 prill në një plazh në Waveland të Misisipit.
Sipas autopsisë vdekja është shkaktuar nga një plumb i cili u gjet në mushkëritë e tij.
Pas nënës, edhe delfini i vogël brenda saj kishte ngordhur.
“Gjejeni vrasësin e delfinit në Misisipi dhe do të shpërbleheni me 11 mijë e 500 dollarë”, kështu ka deklaruar Departamenti i Peshkimit i Agjencisë Kombëtare Oqeanike dhe Atmosferike (NOAA).
NOAA deklaroi se është rritur dhuna ndaj delfinëve në Gjirin e Meksikës Veriore. Që nga 2002, të paktën 24 delfinë kanë ngordhur pasi janë goditur me armë zjarri, shigjeta ose objekte tjera.
