Carles Puigdemont ka thënë se do të vazhdojë të bëjë fushatë për një republikë sovrane katalane.
Këto deklarata vijnë nga mërgimi, pasi ish-lideri katalanas është vetëvendosur në Belgjikë, pasi një gjykatë spanjolle hoqi një urdhër arresti ndërkombëtar nën të cilin u arrestua nga policia në Gjermani në mars.
Ish presidenti katalanas, i cili iku në Bruksel në tetor të vitit të kaluar pasi u shkarkua nga qeveria spanjolle për mbajtjen e një referendumi të paligjshëm dhe më pas duke bërë një deklaratë të njëanshme të pavarësisë, tha se do të rifillojë përpjekjet e tij kur të kthehet në Belgjikë këtë fundjavë.
Megjithëse ai ende i nënshtrohet një urdhër arresti spanjoll, me akuzën e rebelimit dhe keqpërdorimit të fondeve publike, ish-presidenti tha se nuk kishte ndërmend të qëndronte jashtë vendit për një kohë të pacaktuar.
I pyetur për qeverinë e re socialiste të Spanjës, e cila ka ofruar të mbajë bisedime për të zgjidhur krizën katalanase, Puigdemont tha se kishte parë “një ndryshim në stilin, klimën dhe gjuhën”. Por ai tha se ishte koha për “vepra, jo gjeste” për çështjen e pavarësisë.
Puigdemont vazhdon të këmbëngulë se ka një mandat për të kërkuar pavarësinë. “Vendimi i popullit katalan për t’u bërë republikë e pavarur është një fakt”, tha ai.
