-Policia e Lezhës ka finalizuar operacionin “Summer storm”, ku janë sekuestruar 200 kg lëndë narkotike marjuanë, 4 litër vaj hashashi dhe 1 armë zjarri. Gjatë operacionit me metoda proaktive nga Sektori për hetimin e krimeve në bashkëpunim me Prokurorinë pranë Gjykatës së Shkallës Parë Lezhë janë arrestuar 4 persona si posedues të tyre. Të dyshuarit u arrestuan në flagrancë në aksin rrugor Fushë Krujë – Mamurras.
Dyshohet se ka qenë njëri nga të arrestuarit MIRAND QIRA, ai që ka organizuar “grupin” dhe transportine 200 kilogramëve lende narkotike dhe katër litra vaj hashashi që policia iu ka sekuestruar.
Njoftimi i policisë:
Sektori për Hetimin e Krimeve në Drejtorinë Vendore të Policisë Lezhë në bashkëpunim me Prokurorinë pranë Gjykatës së Shkallës Parë Lezhë dhe Forcën e Posaçme Operacionale në Drejtorinë e Përgjithshme, pas një pune operacionale dhe profesionale të mirëorganizuar, të ndjekur me metoda proaktive për një periudhë kohore disa javore, finalizuan me sukses operacionin e koduar “Summer storm”.
Si rezultat i tij u sekuestruan:
– 200 kg lëndë narkotike e dyshuar marijuanë
– 4 litër vaj hashashi
– 1 armë zjarri pistoletë me 7 fishekë
– 2 automjete
– 4 celularë
Të kapur në flagrancë bashkë me sekuestrot e lartpërmendura në aksin rrugor Fushë Krujë – Mamurras, u arrestuan shtetasit dy prej të cilëve janë të afërm me njëri tjetrin:
– Tofik Koleci, 54 vjeç, banues në Krujë
– Miri ( Ardit) Koleci, 32 vjeç, banues në Krujë
– Mirand Qira, 42 vjeç, banues në Krujë
– Ndriçim Doku, 39 vjeç, banues në Krujë
Materialet procedurale i kaluan Prokurorisë pranë Gjykatës së Shkallës Parë Lezhë për ndjekje të mëtejshme për veprat penale ” Prodhim dhe shitje e lëndëve narkotike’ kryer në bashkëpunim” dhe ” Prodhim dhe mbajtje pa leje e armëve luftarake dhe municionit” parashikuar nga nenet 283/2-25 dhe 278 të Kodit Penal.
