Pas Gjendjes Eergjente që Greqia ka shpallur në lidhje me zjarrin që ka përfshirë vendin dhe ka shkaktuar dhjetra viktima, numri i të cilëve sa vjen e rritet ka regauar presidenti i republikës së Shqipërisë Ilir Meta me një letër dërguar Presidentit grek.
Mesazh i Presidentit Meta dërguar Presidentit të Republikës Greke, Pavlopoulos
Zoti President:
Me ankth e shqetësim të madh po ndjek përhapjen dhe dëmet që po shkaktojnë zjarret e furishme që kanë rënë përqark Athinës.
Jam shumë i tronditur nga viktimat në njerëz dhe i shpreh ngushëllimet më të ndjera familjarëve e të dashurve të tyre. Të lënduarve i uroj shërim sa më të shpejtë.
Lutem që të mos ketë viktima të tjera në njerëz dhe që zjarret e egra të vihen shpejt nën kontroll nga autoritetet zjarrëfikëse greke.
Ju siguroj se, në këto momente të vështira, unë dhe populli shqiptar jemi krah jush dhe qytetarëve të Athinës e të gjithë Greqisë.
