Qeveria shqiptare ka dërguar disa javë më parë në Këshillin e Europës, listën e re me 3 kandidatë, të cilët do të konkurrojnë për postin e anëtarit të Gjykatës Europianepër të Drejtat të Njeriut në Strasburg.
Nga 17 kandidatë që aplikuan në muajin prill për të qenë pjesë e garës në Strasburg, Komisioni i Ekspertëve ka përzgjedhur tre kandidatë: ish-anëtarin e Gjykatës Kushtetuese, Sokol Berberi, juristen dhe eksperten e Reformës në Drejtësi, Marjana Semini, dhe juristin dhe ekspertin e Fondacionit Shoqëri e Hapur, Darian Pavli.
Procesi është zhvilluar larg “syrit” të medias dhe për këtë nuk ka pasur asnjë komunikim apo një raport për vlerësimin e kandidaturave. Ajo që bie në sy,është fakti se qeveria po dërgon në Gjykatën e Strasburgut sërish emrin e Sokol Berberit, i cili ka qenë kandidat edhe në tri listat e tjera që janë refuzuar nga Këshilli i Europës.
Herën e parë, qeveria dërgoi në Strasburg emrat e Sokol Berberit, Ina Ramës dhe Gent Ibrahimit, listë e cila u refuzua. Herën e dytë, qeveria dërgoi sërish emrin e Sokol Berberit, Aurela Anastasit dhe Aleksandër Muskaj, por dhe kjo listë pati të njëjtin “fat”.
Ndërkohë që herën tretë, Këshilli i Ministrave ridërgoi emrin e Sokol Berberit, Irakli Koçollarit dhe Suela Mënerit, por dhe kjo listë nuk kaloi për shqyrtim. Në mars u rihap sërish procesi dhe ketë muaj u dërgua lista e katërt, ku figuroipërsëri Sokol Berberi.
S’KA VETING
Burime të “Panorama” bëjnë të ditur se kandidatët, pasi kanë dorëzuar dosjet dhe dokumentet, janë thirrurpër të dhënë vetëm intervistën me gojë para komisionit të përbërë nga disa drejtorëdhe juristëtëministrive. Por nga ky proces mësohet se nuk është zbatuar një prej kërkesave kryesore që vetëm qeveria kishte vendosur për kandidatët, pra, procesi i vettingut.
Në vendimin e qeverisë thuhej se për secilin kandidat që do të dërgohet në Strasburg për të qenë anëtar i Gjykatës Europiane të të Drejtavetë Njeriut, duhet të kalojë më parë procesin e rivlerësimit.
Ky proces, sipas Kushtetutës së Shqipërisë, mund të kryhet vetëm nga Komisioni i Pavarur i Kualifikimit, i cili aktualisht është duke kaluar në sitë Gjykatën e Lartë. Në 20 prill, kur u publikua lista e 17 kandidatëve, është theksuar se për secilin do tëkryhej procesi i vetingut.
“Duke marrë në konsideratë rëndësinë e integritetit profesional e moral, si dhe pastërtinë e figurës së gjyqtarëve dhe prokurorëve në sistemin e drejtësisë shqiptare, por edhe të përfaqësuesve shqiptarë në trupat ndërkombëtare gjyqësore, në përputhje me Kushtetutën dhe legjislacionin në fuqi, aplikantët për kandidatë për pozicionin e gjyqtarit të ri të Shqipërisë në GJEDNJ do t’i nënshtrohen procesit të rivlerësimit kalimtar (vetingut)”, thuhet në njoftimin e qeverisë, të muajit prill 2018.
Por, para Komisionit të Pavarur të Kualifikimit nuk ka kaluar për shqyrtim asnjë nga tre emrat e dërguar në Strasburg.
KANDIDATET NE STRASBURG
LISTA E KATËRT E DËRGUAR NË STRASBURG NË KORRIK 2018
Sokol Berberi
Marjana Semini
Darian Pavli
LISTA E PARË E REFUZUAR
Sokol Berberi
Ina Rama
Gent Ibrahimi
LISTA E DYTË E REFUZUAR
Sokol Berberi
Aurela Anastasi
Aleksandër Muskaj
LISTA E TRETË E REFUZUAR
Sokol Berberi
Irakli Koçollari
Suela Mëneri
