Një aksident i rëndë ka ndodhur mesditën e sotme në aksin e rrugës kombëtare Elbasan-Librazhd.
Një automjet për shkak të motit të keq të shoqëruar me breshër të dendur ka humbur drejtimin e lëvizjes dhe është përplasur me bordurën anësore të rrugë duke u shkatërruar pothuajse plotësisht.
Fatmirësisht nga aksidenti i rëndë nuk ka patur viktima, vetëm janë plagosur shoferi i mjetit 31-vjeçari A.P. dhe bashkëshortja e tij 20-vjeçe A.B.
të cilët menjëherë janë transportuar për në Spitalin e Elbasanit dhe ndodhen jashtë rrezikut për jetën.
Grupi hetimor ndodhet në vendngjarje dhe po punon për zbardhjen e plotë të shkakut të aksidentit, ku paraprakisht dyshohet se drejtuesi i mjetit ka humbur kontrollin e mjetit dhe për pasojë është përplasur me trafikndarësen.
