Ministrja e Integrimeve Evropiane, Dhurata Hoxha, pritet të paraqitet sot në Komisionin Parlamentar për Integrime Evropiane.
Aty ajo do të prezantojë Marrëveshjen Financiare për fondet e IPA 2017, pjesën ndërmjet Kosovës dhe Bashkimit Evropian, ka njoftuar zyra për Komunikim e Kuvendit.
Kjo marrëveshje pritet të ratifikohet pas shqyrtimit të projektligjit për këtë marrëveshje.
Kjo do të jetë paraqitja e parë e ministres Hoxha para Komisionit pas publikimit të raportit të Komisionit Evropian në lidhje me kriteret për liberalizimin e vizave.
