Autobusët e Tiranës gjatë sezonit të verës dhe jo vetëm, mbipopullohen nga dyndjet e qytetarëve, por pikërisht gjatë kësaj periudhe evidentohen edhe më lehtësisht problematikat që shkaktohen tek udhëtarët.
Kështu, ditën e sotme, një zonjë është ndier keq dhe gati-gati i ka rënë të fikët. Shkak dyshohet të jetë bërë temperatura e lartë, nxehtësia, mungesa e ajrosjes dhe ajri i rëndë që ndodhet brenda autobusëve të linjës Kombinat-Kinostudio.
Qytetarët që kanë denoncuar rastin bëjnë me dije se në këta urbanë, e në të gjithë urbanët, shumë rrallë gjendet ajër i kondicionuar.
Denoncuesi
Autobusi i linjës Kombinat-Kinostudio. Një qytetare u shemb në autobus nga vapa. Është tmerr të hipësh në këta autobusë pa sistem kondicionimi, sidomos autobusët e ashtuquajtur firzamonikë. Falë ndihmës së qytetarëve zonja erdhi në vete, por kjo nuk është zgjidhje. Çmimet e biletave i rritën. Abonetë po ashtu, i bënë me foto me ID, si iu desh qejfi. Po kushtet….?? Nuk funksionon kështu se është gjynah për njerëzit, sidomos të moshuarit dhe fëmijët.
