Një shpërthim eksplozivi ka ndodhur gjatë natës së kaluar në Tiranë në lagjen “Ymer Kurti”. Nga shpërthimi nuk kishte të lënduar vetëm dëme materiale në një dyqan i cili ndodhej në katin e parës. Sipas policisë objekti të cilit iu vendos lënda plasëse është në pronësi të Drita Lulo.
DRITA LULO, është një emër jo pak i lakuar në dosjen e gjyqtarit të ngecur në “SITEN” e Vettingut disa muaj më parë Fatos Lulo.
Fatos Lulo ishte i pari “peshk” që ra në rrjetën e Komisionit të Pavarur të Kualifikimit për Vettingun pasi nuk justifikoi dot pasurinë.
Në historinë e vetëdeklarimit, Lulo ka përfshirë edhe të motrën e tij, pikërisht DRITA LULO së cilës ai pretendoi se, në vitin 2005, kur ishte ende avokat, i ktheu një shumë të marrë borxh prej 480 mijë dollarësh. Pra e motra i kishte dhënë hua të vëllait gjyqtar 480 mijë dollarë.
Sipas informacioneve të dala nga vetëdeklarimi i gjyqtarit Lulo, 3 vjet më vonë, në vitin 2008 Drita i dhuron sërish 100 mijë dollarë të vëllait e në vitin 2009, plot 200 mijë (një zyrë prej 172 metrash katrorë në Tiranë).
Por kush ësjhtë DRITA LULO, kjo grua e pasur që jep e merr MILIONA PARA me të vëllain.
Drita Lulo, me profesion inxhiniere ka në pronësi të saj, si aksionere, plot 4 kompani të cilat lidhen me investimet në fushën e hidrocentraleve dhe marrjen me konçension të tyre.
KOMPANIA E PARË- DENYL sh.p.k. Objekti i Aktivitetit: Investim ne fushen e ujesjellesave dhe marrje me koncension te tyre ne te gjithe territorin e Republikes (Ortakë të tjerë Eva Pinguli e Edmond Pinguli)
KOMPANIA E DYTË: DYNE sh.p.k. Objekti i Aktivitetit: Investim ne fushen e hidrocentraleve dhe marrjen me konçension te tyre ne te gjithe territorin e Republikes se Shqiperise.
KOMPANIA E TRETË: EDE Objekti i Aktivitetit: Investim ne fushen e hidrocentraleve, dhe marrjen me koncension te tyre ne territorin e Republikës së Shqipërisë.
KOMPANIA E KATËRT: ENEDY sh.p.k. Objekti i Aktivitetit: Investim ne fushen e hidrocentraleve e marrjen e tyre me koncesion (Ortakë, Eva Pinguli, Edmond Pinguli)
AlpeNews.al
