Një shpërthim me eksploziv ka tronditur Tiranën rreth orës 02:10.
Ngjarja ka ndodhur në rrugën “Ymer Kurti”, në katin e parë të një pallati i cili është përshtatur si dyqan, në pronësi të Drita Lulos, motra e gjyqtarit Fatos Lulo. Ky i fundit u shkarkuar nga KPK në mars, pasi nuk justifikonte pasurinë.
Policia po punon për zbardhjen e plotë të ngjarjes.
Njoftimi i policisë
Më datë 20.07.2018, rreth orës 02:10, në rrugën “Ymer Kurti “, në katin e parë të një pallati, pranë qepenit të një dyqani bosh, në pronësi të shtetases D. L., ka ndodhur një shpërthim i dyshuar nga lëndë plasëse të llojit eksplozivë, ku ka patur vetëm dëme materiale.
Po punohet për identifikimin dhe kapjen e autorit/ve dhe sqarimin e mëtejshëm të rrethanave të ngjarjes.
