Pasi Federica Mogherini përfundoi takimet e ndara me delegacionin kosovar të përbërë nga të gjithë liderët institucionalë, dhe me presidentin serb Aleksander Vuciq, ajo ka takuar dy presidentët e vendeve. Haradinaj, Limaj, Veseli, Pacolli e Gashi jkanë mbetur jashtë këtij takimi.
“Përfaqësuesja e lartë e BE;së, Federica Mogherini ka takuar në Bruksel presidentët, Hashim Thaçin dhe Aleksander Vuciqin në dialogun e ndërmjetësuar në Bashkimi Evropian”, thuhet në njoftimin e Zyrës së Mogherinit, transmeton Express.
Presidenti Thaci ka hyrë në takim me Vuciqin, me ndërmjetësimin e Mogherinit, ndërsa liderët e tjerë institucionalë që ishin me Thacin janë jashtë këtij takimi.
Bashkë me presidentin në Bruksel kanë udhëtuar Kryeministri Ramush Haradinaj, kryeparlamentari Kadri Veseli, zv kryeministrat, Fatmir Limaj, Behgjet Pacolli e Dardan Gashi.
