Shefat e Spiunazhit britanik kanë frikë se xhihadistja britanike e quajtur “Vejusha e Bardhë” po rekruton terroristë femra për të sulmuar pikat turistike më të vizituara në Evropë. Spanja, Ishujt Kanarie, Qipro, Turqia dhe Greqia janë ndër destinacionet verore që raportohen të jenë në shënjestër, shkruan sot “The Sun“.
Sipas medias britanike “The Daily Star”, detajet e rekrutimit u zbuluan në komunikimet e ofruara nga organizatat e huaja të inteligjencës.
E ashtuquajtura “Vejusha e Bardhë” thuhet se ka organizuar disa sulme në Afrikën Lindore, ku ajo vepron me grupin xhihadist al-Shabaab.
Bashkëshorti i saj, Jermaine Lindsay, vrau 26 persona në Londër më 7 korrik të vitit 2005.
Sipas mediave britanike, ajo ka rrezik që deri tani të ketë rekrutuar 30 terroriste femra dhe i ka trajnuar ato për përdorimin e bombave vetëvrasëse.
Një burim i tha gazetës: “Një sulm në një destinacion popullor pushimi do të ketë një ndikim të madh në turizëm. E kemi parë atë në Afrikën e Veriut dhe në Egjipt, ku turizmi është pothuajse i vdekur. Vejusha e Bardhë e urren Britaninë dhe gjithçka që përfaqëson Perëndimi. Ajo i ka kthyer plotësisht kurrizin vendit të saj dhe jetës së saj të mëparshme.Ajo ka stërvitur dhjetra terroriste femra dhe favorizon konvertuesit e bardhë në Islam, sepse ajo ndjen se ata tërheqin më pak dyshime nga shërbimet e sigurisë. Ajo i ka bindur shumë ekstremiste femra se duhet të sakrifikojnë jetën e tyre nëse duan të jenë shërbëtorë të vërtetë të Islamit”.
