Një ngjarje e rëndë ka ndodhur sot në Shkodër ku një çift ka mbetur i vdekur pasi është qëlluar me një breshëri plumbash, plot 20 të tilla. Edhe më tragjike e bën fakti se në sediljen e pasme, ishte djali i tyre vetëm dy vjeç që shpëtoi mrekullisht edhe pse i mbuluar me gjak.
Fatkeqësisht, fëmijët edhe herë të tjera kanë qënë dëshmitarë të rasteve të renda ku prindërit kanë mbetur të vdekur nga aksidentet ose janë vrarë mizorisht në praninë e tyre, duke i shkaktuar këtyre të fundit traumë për gjithë jetën.
Çifti qëllohet me breshëri plumbash në Shkodër, fëmija 2 vjeç shpëton
Një ngjarje e rëndë ka tronditur qytetin e Shkodrës mëngjesin e sotëm, ku janë ekzekutuar në makinë Boran Bercana, ish-efektiv policie 30 vjeç dhe bashkëjetuesja e tij Silva Ndoci 27-vjeçe.
Boran Bërçana dhe Silvi Ndoci u vranë brenda makinës së tyre, ndërsa fëmija i tyre 2 vjeçar, tanimë i mbetur jetim, u gjet në prehrin e të ëmës i mbuluar në gjak, por fatmirësisht pa dëmtime nga të shtënat.
Çifti
Grabitja e përgjakshme në Kamëz, fëmija 6 vjeç fshihet poshtë banakut
Një ngjarje që nuk mund të harrohet është ajo e kamzës ku mbeti i vdekur kryefamiljari Agim Buci në Kamëz dhe u plagos me plumb në këmbë bashkëshortja e tij. E gjithë ngjarja ndodhi në prani të fëmijës së tyre të mitur.
Agim Buci
Fëmija 6 vjeç ka qenë dëshmitar i vrasjes së të atit brenda në marketin e familjes Buci. Djali i mitur ishte bashkë me të ëmën, kur aty kanë hyrë grabitësit e maskuar me kapuçë dhe të armatosur.
Në momentin që gruaja ka parë grabitësit, ka thirrur të shoqin, 53 vjeçarin Agim Buçi i cili në përpjekje për të reaguar është qëlluar për vdekje me armë.
Gruaja, Merita Buci, 44 vjeç ka mbetur e plagosur, ndërsa djali 6 vjeç, fatmirësisht është fshehur poshtë banakut duke i shpëtuar plumbave. Pasi morën paratë, grabitësit u larguan me një BMë të zezë, treguan për policinë banorët e zonës.
Gruaja që vdiq në Tiranë për të shpëtuar fëmijët, djali i traumatizuar
Gruaja 37 vjeçare u aksidentua sot tek Unaza, pranë Arkivës së Shtetit.
Makina ka përplasur nënën e re bashkë me dy fëmijët e saj. Nga dëshmitarët në vendngjarje është mësuar se gruaja rreth 37 vjeç ka mbrojtur me trup fëmijët, duke i dalë para makinës dhe shpëtuar fëmijët e saj.
Dhurata Prifti
Viktima është identifikuar si Dhurata Prifti, ndërsa fëmijët e saj mësohet se e panë gjithë ngjarjen dhe ishin të traumatizuar, duke treguar se skena e aksidentit ka qenë e tmerrshme. Drejtuesi i mjetit është larguar me shpejtësi.
Autori i këtij shkeli mbi viktimën dhe u largua duke shtuar shpejtësinë.
/AlpeNews.al
