Një vajzë 6-vjecare e El Salvador, që u nda nga familja në kufirin mes SHBA dhe Meksikës dhe ku e qara e saj e regjistruar dhe e shpërndarë nga mediat amerikane kishte prekur opinionin publik, është bashkuar me nënën e saj.
Alison Jimena Valencia Madrid dhe nëna e saj Cindy Madrid, u ndanë nga autoritetet amerikane në 13 qershor, pasi hynë ilegalisht në Shtetet e Bashkuara të Amerikës nga Texasi.
Në një regjistrim dëgjohej Alison që i lutej policëve të kufirit të lajmëronin tezen e saj, të cilës ja mbante mend numrin e telefonit. Bashkimi ka ndodhur të shtunën në Houston.
