Shkaktoi panik dhe shqetësim në mbarë opinion publik lajmi se shkrimtari Ismail Kadare është në gjendje të rëndë shëndetësore.
Ka reaguar edhe gazetarja e njohur Beti Njuma, e cila sulmon ashpër poetin Arti Lushi, për njoftimin që bëri. Njuma e quan njeri të papërgjegjshëm dhe qetëson publikun duke thënë se Kadare është në gjendje shumë të mirë shëndetësore.
“Një njeri i papërgjegjshëm ka përhapur këto orë lajmin se Ismail Kadare është shtruar në një spital të Parisit në gjendje të rëndë shëndetësore. Botuesi i tij Bujar Hudhri e hedh poshtë këtë fake news duke konfirmuar se shkrimtari ynë i madh është si kokrra mollës. Jetë të gjatë Ismail Kadaresë dhe një porosi për kolegët që nxituan të botojnë “lajmin”: verifikoni pastaj publikoni!Ja! Edhe Ismaili vetë shqeu sytë”– shkruan Beti Njuma krah fotos së publikuar me shkrimtarin.
