Deputeti i PD-së Tritan Shehu ka reaguar lidhur me projektin në 3D për By Pass-in e Tepelenës që publikoi mëngjesin e sotëm kryeministri Edi Rama dhe e prezantoi sot në mesditë.
Përmes një statusi në ‘Facebook’ demokrati iu kthye kreut të qeverisë ndërsa tha se ky i fundit kërkon të harxhojë miliona euro për një riparim të rrethimit tek Sheshi Ali Pasha.
Mes ironisë Shehu i sugjeron Ramës që të pyesë kryebashkiakun Tërmet Peçin se si po ecën kultivimi i kanabisit në Vlorë dhe Tepelenë, ndërsa pretendon se zyrtari është i informuar.
REAGIMI I SHEHUT
Kryeministri yne « surealist » kerkon qe shqiptaret ta shikojne Shqiperine, Tepelenen, Gjirokastren vetem nepermjet syzave te tij 3D!
Mbasi publikuat sot ne fb tuaj nje vizatim foshnjarak ne 3D per te ashtuquajturin « by pass » te Tepelenes, jeni rruges duke shkuar vete aty per te mashtruar njerrezit…
Nje By pass ky qe vetem By pass nuk eshte.
Kerkoni te harxhoni shume miliona Euro per disa riparime te rutullimit ekzistues te Sheshi Ali Pasha, per disa troture poshte Kalase, qe vetem riparim u duhet, per nje « riveshje » te rruges 2 km e veshje me peme te saj, kur aty peme ka me shumice etj si keto.
Ky qenka By Pass i Tepelenes i shpallur me shume zhurme nga ju disa muaj me pare, punimet e te cilit do fillonin prej kohesh!!!
Po rruga Kardhiq- Delvine ku eshte, e keni deklaruar disa here ne 3 D?!
Dicka, kur t’i afroheni Fierit kujtohuni edhe per ate By Pass te vertete aty; e keni harruar prej 5 vitesh? Se paku na ngushelloni me 3 D!
Dhe se fundi, gjate festes se sotme qe do keni me Termetin, pyeteni ate se si po ecen tashti kultivimi masiv i Kanabisit, prej Tepelene ne Vlore, duhet te jete mire i informuar, e ka per detyre edhe sipas ligjit.
