Vetvrasja është një fenomen që godet çdo ditë e më shumë shoqërinë shqiptare. Rastet dhimbshme janë edhe ato ku kryesisht, kryefamiljarët kanë vrarë veten si pasojë e mos shlyerjeve në kohë të borxheve.
I tillë ishte edhe rasti i djeshëm, ,ku 42 vjeçari nga Cërriku u hodh nga lartësia pasi kishte vene të gjthë rrogën në një ndeshje Botërori, dhe nuk mundi dot ta shlyente.
Çfarë ndodhi dje:
Babai i dy femijeve Arens Tabaku nga Cerriku i ka dhëne fund jetes duke u hedhur ne objektin ku punonte. 44 vjeçari ishte roje e godinës së ish uzinës së naftës në Cërrik dhe mësohet se nga aty i ka dhënë fund jetës. Paraprakisht dyshohet se shkaqet e vetëflijimit lidhen me gjendjen depresive që po kalonte prej disa kohësh.
Detajet e renda zbuluan se 44 vjecari i kishte vënë të gjitha lekët që dispononte lloto por humbja e Belgjikës me Francën ka bërë që ti humbasë kursimet e familjes. I ngarkuar psikologjikisht teksa ka shkuar ne punë ka shfrytëzuar momentin që ka qenë vetëm dhe është hedhur nga objekti.
Mësohet se ai ka lënë edhe një letër ku i kërkonte ndjese familjes për cka kishte berë. Policia vijon hetimet për te zbardhur te plote ngjarjen ndërsa te paret që janë pyetur kane qenë familjaret.
Ish-kryekomunari u vetëvra për miliona borxhe në bixhoz
Ish-kryekomunari i dha fund jetës me fostoksinë. Të paktën ky dyshohet të jetë motivi paraprak për vdekjen ditën e djeshme të Fatmir Kurtit, ish-kryetar i komunës Baz.
Burime të Policisë bënë të ditur se dyshohet që 59- vjeçari mund t’i ketë dhënë fund jetës për shkak të problemeve financiare që kishte krijuar nga loja në bixhoz.
Efektivi i policisë i mbytur në borxhe, vret veten
Pas 15 vitesh në Policinë e Shtetit, efektivi i dha fund jetës i mbytur në borxhe. Ilir Nano, 41 vjeç, dyshohet se nuk arrinte dot të menaxhonte jetesën e tij dhe as t’i përgjigjej vendimit gjyqësor që i kishte vendosur detyrimin për pensionin ushqimor ndaj dy fëmijëve, pas divorcit me gruan.
Ai kishte nisur bashkëjetesën me një 37- vjeçare, me të cilën kishte edhe dy fëmijë të tjerë. Por konfliktet që vinin si rrjedhojë e pamundësisë ekonomike kanë bërë që gjendja psikologjike e 41-vjeçarit të rëndohej e në kushte të tilla, ai vendosi t’i jepte fund jetës.
Rroga e tij ishte e pamjaftueshme për të paguar detyrimin ushqimor për dy fëmijët e tij me gruan e parë, si dhe për familjen e re. Nga hetimet rezultoi se efektivi ishte zhytur në borxhe dhe nuk po arrinte t’i shlyente ato.
Borxhet e shumta dhe sedra që nuk kishte mundësi për t’i shlyer ato kanë detyruar biznesmenin Shkëlqim Mullaj të ndërmarrë aktin ekstrem të vetëflijimit mbrëmjen e së dielës.
Përveç Policisë së Durrësit, këtë fakt e konfirmuan asokohe edhe vetë të afërmit e 42- vjeçarit, i cili u vetëvra me një plumb në kokë brenda makinës së tij, në afërsi të sektorit “Rinia”.
Të afërm të viktimës treguan se 42-vjeçari që prej katër ditësh kishte shfaqur shenja depresioni dhe qëndronte i veçuar nga pjesëtarë të tjerë të familjes.
Art Kurti, aktori i njohur kishte borxhe nga lojërat e fatit
Vdekje e dyshimtë u cilësua rasti i Art Kurtit. Një djalë i ri, me profesion si aktor dhe kameraman është gjendur i vdekur në një makinë që sipas informacioneve ishte e shokut të tij.
Hetuesit policorë në Gjakovë, pohuan se viktima së fundi kishte shfaqur shenja depresive. Art Kurti, sipas këtyre burimeve, ishte po ashtu i zhytur në borxhe tek disa persona të ndryshëm, kryesisht miq të tij, si shkas i shprehive të tij në lojëra të fatit.
Kishte borxhe, pret damarët biznesmeni 42 vjeçar
Një biznesmen i ka dhënë fund jetës duke u vetëvrarë. Ngjarja ka ndodhur në rrugën ‘Mine Peza’ pranë prokurorisë së rrethit Tiranë ku biznesmeni Lulzim Saliasi, 42 vjeç është gjetur i pajetë, në banesën e tij nga familjarët. Saliasi i kishte dhene fund jetes duke prere damaret.
42 vjeçari ishte administrator i nje linje te transportit urban. Mësohet se ai kishte lënë edhe një letër për familjarët, ku i kerkonte falje bashkeshortes dhe dy vajzave te tij per aktin e veteflijimit per shkak te borxheve te shumta qe kishte.
Përgatiti: AlpeNews.al
