Nëse keni bërë plane për nesër, do të ishte më mirë që t’i hidhnit një sy parashikimit të motit më parë.
Sinoptikanët parashikojnë që gjatë ditës së shtunë do të kemi mot të kthjellët në të gjithë territorin, dhe ka shumë pak mundësi për të rënë shi.
Ndërkohë që edhe dita e diel do të jetë e njëjtë.
Ja parashikimi i motit:
MOTI NE FUNDJAVE: E shtuna, vijon me kthjellime në pjesën më të madhe të vendit por sërish pasditja do të zhvillojë vranësira lokale në ekstremet Veri – Juglindje ndërsa mundësia për shira paraqitet e pakët. E diela, mbetet e kthjellët në bregdet ndërsa vranësira kalimtare do ketë në pjesën tjetër të vendit; më të shpeshta në Veri – Verilindje ku priten shira afatshkurtër.
Temperaturat SOT janë rritur lehtë gjatë mëngjesit, rritje që vijon e lehtë edhe në mesditë duke shënuar maksimalisht mbi 35°C. Ndërsa fundjava nuk do të sjellë ndryshime të ndjeshme të vlerave termike, ekstremumet ditore pritet të luhaten nga 13°C mëngjesi më i freskët në Juglindje deri në 35 – 36°C, maksimumi termik në zonat Perëndimore.
