Japonia përballet me katastrofën natyrore më të madhe prej 40 vitesh (FOTO)

11 July, 2018 k.autor Botë, Nderkombetare

Numri i të vdekurve nga përmbytjet në Japonis ka arritur në 127, me autoritetet që përpiqen të rivendosin shërbimet bazë të jetesës.

Furnizimi me energji ka rifilluar pjesërisht e për momentin problem kryesor është furnizimi me ujë të pijshëm nga ku 200,000 familje “digjen” në diellin që i con temperaturat deri në 35 gradë celsius.

Shirat intensivë lanë pas përmbytje dhe rrëshqitje të tokës në Japoninë perëndimore duke lënë të vdekur 127 njerëz e 63 të zhdukur.

Kryeministri Shinzo Abe anulloi të gjitha angazhimet ndërkombëtare duke u gjendur në mbështetje familjevë të prekura.Ai premtoi se qeveria do të sigurojë mbështetje financiare për banorët e prekur nga fatkeqësia.

Gazeta kombëtare “Asahi Shimbun” raporton se shumica e viktimave janë nga prefektura jugperëndimore e Hiroshimas, me më shumë se 40 persona të vdekur.

Mbetet evident rreziku i humbjes së jetëve të tjera pasi nuk po arrihet të përcaktohet shkalla e shkatërrimit.