Ministri i Turizmit, Blendi Klosi u ka dërguar një letër krerëve të bashkive bregdetare të vendit ku kërkon të merren masat e sigurisë për stacionet plazhit pa roje bregdetare.
Blendi Klosi ka kërkuar gjithashtu nga krerët e bashkive bregdetare që të prishin kontratat me subjektet që nuk garantojnë sigurinë në plazhe.
“Merrni masa për stacionet e plazhit pa roje bregdetare, pasi për sigurinë në det, ju keni përgjegjësinë për të marrë masat. Duhet të zbatohet ligji për sigurinë në det. Prishni kontratat me subjektet që nuk garantojnë sigurinë”- thuhet në letrën e Blendi Klosit.
