Një shtëpi private në afërsi të shkollës së mesme “Oso Kuka” në Shkodër është djegur. Në momentin e rënies së zjarrit askush nuk ishte brenda ndërsa dy fëmijë sapo ishin nisur në shkollë.
Zjarri mendohet se ka ardhur nga një pakujdesi duke qenë e zonja e shtëpisë mund të ketë harruar ndonjë prej pajisjeve elektrike ndezur. 3 zjarrfikëse dhe efektivë policie kanë shkuar në vendngjarje për të shuar flakët.
Shtëpia është djegur totalisht në 3 dhomat e saj. Zjarrfikëset kanë ndërhyrë nga të gjitha anët e shtëpisë derisa kanë shuar flakët.
