Dy ditë më parë një konflikt i armatosur tronditi pushuesit në Dhërmi. Ngjarja ndodhi në lokalin e njohur “Havana” në fshatin turistik. Ndërsa ngjarja pasti një sërë reagimesh, ku më së shumëti akuzonin biznesin, që nuk ka siguri.
Lidhur me këtë ngjarje ka reaguar edhe Briken Fejzullai, i njohur ndryshe si kryebashkiaku i natës në Tiranë.
Fejzullai shkon në një tjetër linjë, ku shprehet se problemi nuk është te lokali, pasi Havana ka meritën e ngritjes së vlerave turistike në Dhërmi. Por sipas tij problemi kryesor është shteti që nuk u siguron jetën qytetarëve.
“Ajo që ndodhi aty, mund të ndodhte kudo në këtë vend, kujtdo prej nesh, ndaj mos na hapni barkun të godisni një biznes të bërë me mund dhe me djersë prej 17 vitesh, por merruni me thelbin”, shprehet ndër të tjera ai.
Reagimi i plotë
Havana ka bërë histori!
Dy djem të rinj që u kthyen nga mërgimi për të investuar në tokën e tyre, ndërkohë që aty kishte vetëm gura dhe det, deri të bërit Dhërmiun, vendin më të frekuentuar në Shqipëri.
Ishte vendi që theu çdo tabu. I vetmi vend në jug që nuk kishte asgjë më pak, se një beach bar perëndimor. Falë Havanës, është zhvilluar një fshat i tërë duke ofruar shërbime hotelerie dhe restoracioni, nga ku më pas mori përmasa gjigande duke kaluar në Drimadhes, Jalë e kudo në Jug. NUK KA ÇUN A GOC’ TIRONE, QË S’KA SHKEL I HER’ TE HAVANA.
Ajo që ndodhi aty, mund të ndodhte kudo në këtë vend, kujtdo prej nesh, ndaj mos na hapni barkun të godisni një biznes të bërë me mund dhe me djersë prej 17 vitesh, por merruni me thelbin.
Këtu, shteti ka shkuar për lesh, sepse nuk është i aftë të garantojë sigurinë e qytetarëve të tij.
Kaq e thjeshtë!
