“Në konflikt u përfshinë nja 15 vetë. Pamë tmerr me sy. Filluan me shishe e karrige, në fund dëgjuam pesë të shtëna armësh. Që ka të plagosur ka, por nuk mund të them nga arma apo nga sendet e forta. Sepse kishte gjak ngado”.
Një tjetër rrëfim nga D.K, një nga vajzat që ishte present dje në Havana në Dhërmi ku ndodhi ngjarja, e cila nga policia po konsiderohet si një sherr banal mes të rinjve dhe pa të plagosur. D.K thotë se në fillim u hutuan nga muzika e lartë, por kur zhurmat u bënë me të forta, gjithcka ndryshoi.
“Të gjithë që ishin po iknin nga sytë këmbët. Madje, duke shkelur njëri tjetrin. Ne kapërcyem një mur aty. Gjak kishte kudo, nuk e di nëse u shkaktuan nga të shtënat me armë. Janë goditur me karrige e shishe. Ishte grup i madh ai i sherrit, nja 15 vetë.
Nuk e ekzagjeroj për këtë që ka ndodhur. Na u prish terezia”, thotë D.K, e kontaktuar.
Rreth orës 00.35 minuta, në klub Havana në Dhërmi ka pasur të shtëna me armë. Fillimisht u fol për viktima, por policia e mohoi informacionin dhe nuk e ka nxjerrë ende versionin zyrtar.
Pamjet e siguruara nga newsbomb.al tregojnë për gjendje kaosi, ndërsa dëshmitarë të rinj present në këtë ngjarje, kanë rrëfyer tmerrin e përjetuar, madje edhe gjak ngado.
Pritet që policia të zbardhë ngjarjen e plotë.
