Skenë horror nga dy grupe që u zunë me njëra tjetrën dhe që kishin tendencë për t’u zënë në lokal.
Kështu e përshkruan një vajzë tjetër atë që ka ndodhur në një klub nate në Dhërmi. Ata që hynë në lokal, shkuan direkt te tavolina ku do bënin sherrin.
Muzika ende nuk kishte filluar. Restoranti ende nuk ishte mbyllur për klientët, ndërsa sherri filloi pa folur asnjëri nga grupet me njëri-tjetrin. Gazetari i TCH më parë në një status në facebook, foli për persona VIP që ishin në lokal kur ndodhi ngjarja.
E bëhet fjalë për gazetarin Alban Dudushi, me familjen dhe miq të tij, të shoqëruar edhe nga fëmijet, të cilët nuk kanë qenë në pjesën e barit, por në restorantin e lokalit, një tavolinë e madhe prej 20 vetësh, që nuk kanë mundur të lëvizin nga vendi edhe për shkak të shpejtësisë.
“Ishim shumë afër derës. Këta djemtë, ishin në hyrje të barit në një tavolinë të madhe. Kur në lokal hynë disa djem të tjerë që duket sikur ishin ardhur enkas për këtë lloj sherri. Dhe shkuan direkt te tavolina. Pa folur filluan të zihen me grushta, një skenë që mund të ketë zgjatur gati 5 minuta, rrahje në mënyrë masive, gati 20 vetë.
Në një moment pas grushtave, filluan të thyenin shishe në gjysëm…pashe se një vajzë u plagos…Pastaj skenat e tjera ishin horror. Askush nuk lëvizte. Ulërima vajzash. Njerëz poshtë shezloneve…Njerëz që hynin nëpër dyqane ku të mundnin. Policia erdhi me shumë vonesë, dhe po me vonesë edhe ambulanca.
U qëllua me armë sepse ne dëgjuam të shtënat” thotë vajza.
Sherri ka qenë banal dhe i qëllimshëm.
Sepse ata që erdhën, as nuk u ulën me personazhet që goditën, por filluan menjëherë të qëllojnë me grushta.
Policia që ka arrestuar deri tani personin që ka qëlluar, ende nuk po jep një version zyrtar për ngjarjen që ka shokuar gjithë ata që ishin prezent në klub. Nuk ka asnjë të dhënë edhe për numrin e të lënduarve për këtë ngjarje nga uniformat blu.
Ditën e djeshme Bieta, bashkëshortja e Dudushit, ka publikuar një foto në llogarinë e saj në Instagram, duke u relaksuar me djalin e saj të vogël në plazh.
