Qyteti i Vlorës është ‘pushtuar’ sot nga tymi dhe flakët. Policia dhe zjarrfikëset janë alarmuar nga flakët dhe tymi i përhapur në qytetin bregdetar nga djegia e disa gomave.
Ngjarja është shënuar në lagjen ‘Pavarësia’, ndërsa sjell më poshtë fotot që tregojnë situatën alarmante. Kanë qenë banorët që kanë njoftuar policinë, pasi gomat janë djegur afër banesave, duke i rrezikuar.
Tre zjarrfikëse kanë shkuar në vendngjarje dhe kanë bërë të mundur shuarjen e flakëve. Ndërkohë, kjo nuk është hera e parë që persona të papërgjegjshëm djegin goma, duke rrezikuar banesat, por mbi të gjitha duke ndotur jo pak ajrin.
