Që rastet e rreziqeve nga kafshët shtëpiake dhe ato jo-shtëpiake tek qytetarët janë rritur, kjo nuk do siç i thotë populli “as mend dhe as kalem”.
Rasti i ditës së sotme ku një 36-vjeçar nga qyteti i Kukësit u sulmua fizikisht nga një ari në një zonë të thellë në mal tregon se në Shqipëri duhet të bëhët më tepër lidhur me sigurinë e kafshëve, dhe të punëtorëve të thjeshtë, ashtu siç ishte edhe rasti i Shehap Dafkut.
Lajmi i Plagosjes nga Ariu (1)
Por sa raste të këtilla ka patur kohët e fundit, dhe që na bën të shqetësohemi lidhur me sigurinë e punës dhe të përditshmërisë tonë.
ALPENews.al do t’ju listojë disa nga rastet më të rrezikshme që kanë përfunduar me plagosje të rëndë, dhe shtrime në spitale për të sulmuarit.
Rasti i Parë – 2014
Një djalë 14-vjeç nga fshati Istog i Kosovës ka fituar një “betejë” të rrezikshme për jetën e tij me një ujk. Në gjendje për të mos dalë nga ambjentet e shtëpisë, ai ka vendosur të përballet me kafshën e rrezikshme (dhe që njihet edhe si ngrënëse e qenieve humane) ai e ka vrarë atë. Ujku i ishte sulur djalit, por nuk ia ka dalë.
Rasti i Dytë – 2017
Ndoshta më rasti më fatal. Vetëm 1-vjeçe, vajza shqiptare kishte dalë të luante në oborr kur dy qen të llojit Pitbull e kanë sulmuar vajzën duke e çuar atë drejt vdekjes. Fotot e Policisë Italiane asokohe bënë xhiron e medieve ballkane si një prej rasteve më të rrezikshëm në histori.
Rasti i Tretë – 2017
Tre raste në 2017 sulmesh nga ariu.
73-vjeçari nga Kukësi ka qenë duke ujitur një pjesë të tokës së mbjellë ku ka rënë pre e sulmit nga ariu.
Ndërkohë po në 2017-ën Fasli Karaxha, 45-vjeç i cili ka rrëfyer vetë tmerrin e përballjes me ariun.
Deklarata e Karaxhës:
“Unë kam qenë në bjeshkën e fshatit, duke kullotur tufën time të bagëtive. Ne e dinim që arusha apo ariu mund të na bënte dëme në blegtori, por që të na ngacmonte edhe ne, jo. Në bjeshkën tonë bari është shumë i madh dhe kur e pashë në fillim mu duk e vogël, por kur mu afrua pas shpine u tremba shumë.
Fatmirësisht isha me qenin e tufës së deleve dhe ai më ndihmoi shumë. U ndeshëm, pasi e kapa nga veshët dhe e vura poshtë, por ishte shumë e madhe dhe falë ndërhyrjes së qenit mu largua.
Më ka goditur në dorën e djathtë dhe kam pasur shumë gjakderdhje. Menjëherë kam njoftuar infermierin dhe kam përfunduar në spital. E them me bindje se, kafshët e egra janë shtuar, pasi edhe moratorium i gjuetisë ka ndikuar për shtimin e tyre. Kam përjetuar një frikë të paparë”-është shprehur Fasliu.
Rasti i Katërt – 2018
Një rast po prapë i çuditshëm është edhe i një 70-vjeçari nga qyteza e Rrogozhinës i cili është dëmtuar fizikisht nga lopa.
Djali i 70-vjeçarit të plagosur nga lopa
Në lajmërimin e Policisë thuhej:
“Më datë 27. 06. 2018, në fshatin Okshtun Zambish Rrogozhinë, në afërsi të banesës, duke ruajtur bagëtitë shtetasi Sh. S., vjeç 70, banues në Rrogozhinë, është goditur nga një bagëti e trashë dhe për pasojë ndodhet në spital nën kujdesin e mjekut. Materialet u referuan pranë Gjykatës së Shkallës Parë Kavajë, për ngjarje aksidentale”.
/AlpeNews.al
