Të gjithë jemi kureshtarë të dimë për jetën e udhëheqësit të Koresë së Veriut, Kim Jong Un përtej fjalimeve të ashpra, kërcenimeve të hapurave apo pozimeve pranë raketave balistike.
Një nga gjërat më misterioze rreth tij duket se është edhe bashkjetesa me Ri Sol-ju.
Lidhur me këtë të fundit gjithmonë ka pasur mungesë të theksuar informacioni edhe pse kohëve të fundit ka mundur të dalë prej izolimit ndonjë detaj i vogël.
Mësohet nga raportet e Koresë së Jugut se ajo është 28 vjeç dhe ka tre fëmijë.
Nga fotografitë e shpërndare bëhet fjalë për një zonjë mjaft elegante, të buzëqeshur dhe ka një shije për modën e shtrenjtë perëndimore.
28 vjeçarja u identifikua zyrtarisht si grua e Kim, në korrik të vitit 2012, kur u prezantua gjatë hapjes së një parku për argëtim në Penian.
Deri më tani nga rrjedhjet e informacionit shtë e paqartë data kur Kim dhe Ri u martuan.
Disa kanë raportuar se martesa është bërë në vitin 2009, por të tjerë thonë se çifti u takua në vitin 2010, në një koncert muzikor klasik.
Shumë pak dihet për jetën e Ri-së, para se të martohej me Kim. Raportet e Koresë së Jugut thonë se ajo studioi kanto në Kinë dhe vizitoi Korenë e Jugut në 2005-ën.
Ri është kritikuar për mbajtjen e çantave luksoze nga Dior dhe Chanel, ndërsa shumë civilë të Koresë së Veriut luftojnë me varfërinë dhe urinë.
Nga të dhënat e mediave ndërkomëtare, mësohet se ajo solli në jetë fëmijën e saj të tretë në shkurtin e kaluar, pasi u zhduk nga vëmendja e publikut për disa muaj.
Edhe pse është spekuluar që Kim dëshironte që një djalë të trashëgonte diktaturën e tij, kjo gjë ende nuk dihet me saktësi.
Sekreti rreth Ri-së nuk është befasi për koreano-veriorët, pasi edhe babai i Kim, Kim Jong-il kurrë nuk paraqiti asnjë nga gratë e tij në publik.
