Partia Socialiste kërkon 30 minuta pushim për mbledhje grupi. Deputetët e PD dhe LSI zhvilluan mbledhje grupi. Deputetët e PD dhe LSI u larguan pas 1 minutash mbledhje. Pritet që të kthehen në seancë pas pak për votimin e projektligjeve.
Ka qenë kreu i grupit Parlamentar të PD-së Edmond Spaho që i ka kërkuar nënkryetares së Kuvendit Vasilika Hysi pak minuta pushim nga seanca, ndërsa kjo e fundit vendosi një ndërprerje prej 15 minutash.
Burime nga PD bënë me dije se grupi i PD diskutoi mbi strategjinë që do të ndjekin sot në Kuvend për votimin e projektligjit për shembjen e Teatrit Kombëtar.
Ndërkohë, kryetari i Kuvendit Gramoz Ruçi nuk ndodhet në sallën e Kuvendit, pasi do të jetë i pranishëm në pritjen e organizuar sot nga ambasadorët Romana Vlahutin dhe Donald Lu, me rastin e përfundimit të mandatit të tyre.
