Deputetja e Partisë Demokratike Albana Vokshi duke folur në parlament në lidhje me projektin qeveritar për teatrin ka akuzuar Kreyministrin Rama se me këtë do të vjedhë pronen publike të shqiptarëve.
FJALA VOKSHIT
Një projektligj i personalizuar për një emër: kompania Rama-Fusha do të përfitojnë 205 milionë euro nga vjedhja e 8 mijë metrave katrorë pronë publike.
Por sot nuk ka Gjykatës Kushtetuese ku ta ankimosh, drejtësinë e ka kapur. Ky akt shënon degradimin e skajshëm të pushtetit të Edi Ramës. Çdokush që është përzier në këtë aferë Kumbaro është përzier dhe mban pazaret, ndonjëherë futet edhe Veliaj si sekser që kërcënon e shantazhon artistët e falsifikon deri firmat e aktorëve.
Parlamentarizmi sot ka vdekur, se Rama jo vetëm e ka sjellë këtë projektligj me një kat ekstra, por ka shkelur Kushtetutën. Ky është puç kushtetues. Vilmës i dhe 120 milionë euro. Sa Teatro mund te kishe ndërtuar me to? Po me sterilizimin? po me fitimet qe Vilma nxjerr qyl çdo vit pa bërë asnjë analizë të cekupit? Fonde ka, por nuk e ke prioritet se prioritet yti është vetëm vjedhja dhe pastrimi i parave të posta të drogës dhe krimit.
Duke keqpërdorur ministra dhe deputetë sot po diskutojmë nëj projektligj që historia e parlamentit shqiptar nuk ka parë ndonjëherë madje as atij botëror i shkruar keq nga një ndërtues që nuk ka as 4 klasë shkollë. Mendja diabolike e një sëmuri e ka bast me veten.
Sot e filloi me Teatrin nesër do kalojë tek galeria pastaj do kalojë tek Biblioteka që e përmbyti pikërisht kompania Fusha dhe pastaj te teatri i Operas. Do ta shkatërrojë gjithë qendrën historike të Tiranës. Ja ku e keni: 5522 km katrorë i takojnë sot Teatrit.
Tre kulla janë brenda sipërfaqes. Është mashtrim që nuk do të vidhet sipërfaqja. Dua tu tregoj sot një histori që më ka lënë mbresa të mëdha: qendra historike e Varshavës u shkatërrua për hakmarrje nga nazistët, 85% u shkatërrua nga bombardimet. Por çfarë u bë? U bë u morën pjesë të këtyre rrënojave dhe u rindërtua siç ishte dizenjuar 200 vjet më parë nga piktori.
Nuk është çështje parash as që godina nuk mban po është çështje dashurie për kulturën e qytetit tonë, nuk është se s’ka para, nuk është se godina është shkatërruar. Rama urren kulturën Tiranën ndaj do të shkatërrojë çdo gjë.
