Zifti i shkrirë ka detyruar shoferët në Australi të braktisin makinat e tyre pasi gomat u mbuluan nga katrani.
Më shumë se 50 drejtues makinash mund të kenë të drejtën për t’u kompensuar mbi incidentin e ndodhur të Martën në Queensland, shkruan BBC.
“Kurrë nuk kam parë diçka të tillë dhe kur nisën raportimet, ishte gjithçka e pabesueshme”, shprehet kruebashkiaku i vendit Joe Paronella.
Incidenti ka ndodhur si pasojë e një ndryshimi të motit që shkaktoi edhe dëmtimin e rrugë, e cila ishte riparuar vetëm një javë më parë.
Banorja vendase Deborah Stacey tha se “globet e mëdha” të katranit ishin mbërthyer tek automjetet, në mes të motit të nxehtë që pasonte disa ditë të ftohta dhe shiu.
“Kishim një javë xhamash të prishura … pastaj sapo doli dielli, filloi të ngjitet rruga”, tha ajo.
Katrani ka bërë që në disa automjete gomat duhet të zëvendësohen dhe ka shkaktuar probleme në parakolpe.
Rruga, në Atherton Tablelands në jug të qytetit Cairns, u mbyll për pak kohë.
Departamenti i Transportit dhe Rrugëve Kryesore të Queensland tha se ‘kompensimi do t’u ofrohej shoferëve, automjetet e të cilëve ishin dëmtuar’.
