Tërmeti që goditi sot Tiranën ka shkaktuar panik të madh tek qytetarët që kanë dal nga godinat e pallatave apo ndërtesave ku ndodheshin në moment.
Duke qënë se në Shqipëri lëkundje të tilla ndodhin rrallë, duket se dita e sotme ka bërë jehonë edhe në mediat e huaja.
“Reuters” shkruan: Tërmeti me magnitudën 5.1 ballë ka shokuar bregdetin Adriatik, portin e Durrësit dhe kryeqytetin e Tiranës.
Mediat italiane gjithashtu kanë shkruajtur duke përmendur edhe faktin se është ndjerë edhe në Puglia.
“Sky TG 24, shkruan: “Tërmeti në Shqipëri me magnitudë 5.1, tronditje edhe në Puglia”.
Ndërsa, “Il messaggero” shkruan se tërmeti ishte aq i fortë, sa preku edhe qytetet e Italisë si Bari, Lecce dhe Brindisi.
Edhe agjensia kineze “Xinhua” , shkruan: “Një tërmet me magnitudë 5.1 ballë të shkallës Rihter goditi Shqipërinë në orën 11:01 të mërkurën, njoftoi Instituti Shqiptar i Gjeoshkencave, Energjisë, Ujërave dhe Ambientit”, shkruan Xinhua.
/AlpeNews.al
