Kryetari i Partisë Demokratike, Lulzim Basha në një status në Twitter, pak para mesnate, ka reaguar sërish për interpretimin në mediat shqiptare të deklaratës së Bashës për ministrin italian, Matteo Salvini.
Basha sulmon gazetarët, të cilët i quan pjesë e propagandës së kryeministrit. Kryedemokrati thotë se janë të paguar me paratë e drogës për të fshehur të vërtetën, që Rama në Shqipëri po ndërton një narko-shtet.
Statusi i plotë:
Edi Rama ka mobilizuar propagandën e paguar me narko-euro për të sulmuar opozitën, që do të tregojë të vërtetën e dhimbshme. Rama dhe mafia shqiptare po drejtojnë një narko-shtet që ka shkatërruar shpresat e popullit dhe ka bllokuar bisedimet për hapjen e negociatave.
