Kontrata e mesfushorit gjerman Mesut Ozil me Arsenalin mbaron në verën e vitit të ardhshëm dhe e ardhmja e tij në “Emirates” mbetet e pasigurt.
Për ketë, kryetari i Schalke, Clemens Tonnies, shpreson se lojtari kreativ i Arsenalit do të rikthehet në klub në të ardhmen.
Megjithatë, së fundmi Ozil është lidhur me një kalim të mundshëm te Barcelona apo Manchester United. Por ish-klubi i tij, Schalke ka treguar interesim për të.
“Mund ta imagjinoj shumë mirë rikthimin e tij. Nëse do të ketë ndonjë mundësi, do ta mendojmë natyrisht”, ka thënë Tonnies për Kicker.
“Rikthimi i tij do të ishte storje interesante. Por, nuk do të ndodhë verën e ardhshme”, ka shtuar ai.
Ozil iu bashkua Schalkes në vitin 2005 si 16-vjeçar dhe debutoi për skuadrën një vit më pas, para se t’i bashkohej Wrder Bremenit në vitin 2008.
