Një denoncim i pazakontë për stinën ka ardhur ditën e sotme në redaksinë e JOQ.al, ku një banor i një fshati në qytetin e Elbasanit ankohet se ujqit i kanë shqyer gomarin.
Ai thotë se banon në fshatin Kodra e Bujares, në Elbasan dhe gjatë natës ujqit i janë afruar banesës dhe kanë ngulur dhëmbët të uritur tek gomari.
Mesazhdërguesi shton se kjo nuk është hera e parë që një gjë e tillë ndodh në këtë zonë, pasi janë raportuar edhe të tjera raste ku ujqit kanë shkaktuar dëme në blegtori.
Banori i fshatit Kodra e Bujares, shprehet kështu:
Fotoja dhe videoja janë bërë në fshatin Kodra e Bujares në Elbasan. Në to tregohet se si ujqit kanë masakruar një kafshë të llojit gomar, brenda në kasollen e tij. Nuk është rasti i parë që kafshët e egra sulmojnë në këto fshatra pothuajse brenda në shtëpi. Duket se kohët e fundit është bërë shtimin i kafshëve të egra si ujku dhe ariu. Në një fshat ngjitur me ne, ujku ka mbytur 16 dhi brenda në stallë dhe tre qentë e kopesë. Kjo do të thotë që ata sulmojnë në tufa me më shumë se 5 ujqër. Na falni për fotot se duken pak horror… Edhe pse banoret janë ankuar në bashki e polici, asnjë masë nuk është marrë”.
