Vjedhjet e njëpasnjëshme kanë terrorizuar banorët e qytetit të Gramshit kohët e fundit.
Vetëm brenda pak javëve kanë ndodhur disa grabitje të banesave dhe bizneseve të ndryshme. Të gjitha këto grabitje kanë ndodhur kryesishtë gjatë natës dhe kanë qenë të mirorganizuara sepse sipas policisë nuk kanë lënë gjurmë.
Kryesisht janë grabitur markete, dyqane bizhuterie, farmaci, servise makinash, berberane. Vjedhjeve nuk u kan shpëtuar as shtëpitë, ku jo më larg se disa ditë më parë në mes të ditës hajdutët bastisën shtëpinë e nje banori dhe vodhën prej andej rreth 4 mijë euro e bizhuteri të ndryshme.
Grabitësit, sipas informacioneve veprojnë në grupe të strukturuara. Ndërkohë që banorët e zonës akuzojnë policinë e zonës për paaftësi të plotë, sipas tyre një qytet i vogël i rrethuar me kamera nga bizneset dhe i ndriçuar gjatë natës hajdutët “luajnë” të qetë e të pa shqetësuar.
Me flagrante ka qënë vjedhja e farmacisë vetem 10 metra larg spitalit të qytetit që supozohet se ka roje 24 orë dhe i survejuar nga kamerat.
Të tjerë banorë aludojnë se grupet e grabitësve bashkëpunojnë me forcat e policisë dhe ndaj asnjë nga grabitjet nuk është arritur të zbardhet deri më sotë. Përveç varfërisë dhe papunësisë qytetit të Gramshit i shtohet dhe problemi i vjedhjeve.
