Të hënën në orën 12:00 pritet të mblidhet Komisioni për Politikën e Jashtme, ku do të zhvillohet një seancë dëgjimore me 3 kandidatë për ambasadorë, në Danimarkë, Moldavi e Mal të Zi.
Përpara Komisionit të Politikës së Jashtme të drejtuar nga ish-ministrja e Mbrojtjes, Mimi Kodheli, këta tre kandidatë pritet të japin sqarime për karrierën e tyre.
Në rendin e ditës të këtij komisioni parashikohet:
Seancë dëgjimore me:
- Znj. Elida Petoshati kandidat për Ambasador i Jashtëzakonshëm dhe Fuqiplotë i RSH-së në Mbretërinë e Danimarkës;
- Znj. Donika Hoxha kandidat për Ambasador i Jashtëzakonshëm dhe Fuqiplotë i RSH-së në Republikën e Bullgarisë, rezident si dhe Ambasador i Jashtëzakonshëm dhe Fuqiplotë i RSH-së në Republikën e Moldavisë, jorezident;
- Z. Ridi Kurtezi kandidat për Ambasador i Jashtëzakonshëm dhe Fuqiplotë i RSH-së në Republikën e Malit të Zi.
