Një shtetas nga fshati Baz i Matit, pasi ishte zhdukur prej një jave, është gjetur i vdekur pranë një përroi.
Mësohet se 85 vjeçari N.Gj.,, pasi ka dalë nga shëpia me bagëti për në mal dhe nuk është kthyer në banesë.
Shërbimet e policisë organizuan punën dhe në bashkëpunim me familjarët prej një jave vijuan kërkimet për gjetjen e tij.
Sipas njoftimit të policisë rreth orës 16.10, datë 27.06.2018, në fshatin Fushë-Mollë, 85 vjeçari u gjet pa shenja jete pranë një përroi.
Nga kqyerja e vendit të ngjarjes si dhe nga veprimet e kryera nga grupi hetimor rezulton se ky shtetas dyshohet të jetë rrëzuar nga një shkëmb dhe si pasojë ka humbur jetën.
Materialet proceduriale i kaluan Prokurorisë Rrethit Gjyqësor Mat si “ngjarje aksidentale”.
