Eksperti ligjor i OSHEE-së Romeo Karaj, i njohur ndryshe si njeriu që zbuloi skandalin e privatizimit të kompanisë CEZ, ka njoftuar se ka përfunduar të gjithë investigimin lidhur me këtë çështje.
Karaj siguron se sot ka depozituar një padi në Prokurorinë e Përgjithshme ndaj 7 personave ku mes tyre renditet presidenti Ilir Meta dhe ish-kryeministri Sali Berisha.
Juristi i OSSHE deklaron se këta persona i kanë shkaktuar vendit një dëm ekonomik prej 39.5 milionë Euro.
“Sot, pas nje pune relativisht te gjate dhe te lodhshme, pas nje investigimi te plote e te sakte, perfundova dhe dergova prane Prokurorise se Pergjithshme nje padi, kunder Ilir Metes, Sali Berishes, Kastriot Ismailit, Bujar Nepravishtes, Martin Roman, Tomas Pleskash dhe Jozef Hejsek, lidhur me vepren e korrupsionit, shperdorimit te detyres dhe ushtrimin e ndikimit te paligjshem te kryer pergjate lidhjes se zbatimit te kontrates DIA-CEZ.
Demi ekonomik i shkaktuar nga kjo veprimtari kriminale eshte se paku 39.5 milione Euro.
Per cdo te re lidhur me kete ceshtje, do te kemi komunikim direkt si dhe nepermjet medias.
Shqiperia dhe shqiptaret, meritojne drejtesi dhe jo te rrine nen hyqmin e krimineleve, te korruptuarve dhe shperdoruesve,”deklaron Karaj.
