Kryeministri i vendit Edi Rama ka mbledhur anëtarët e qeverisë për të diskutuar rreth hapjes së negociatave mes Shqipërisë dhe Bashkimit Europian.
Ai është shprehur se Shqipëria sot është një hap më pranë BE-së, duke vënë theksin se kemi marrë dritën jeshile për hapjen e negociatave.
Duke komentuar lidhur me komentet që kanë ardhur nga Opozita, Rama është shprehur:
“Opozita gënjen kur thotë se janë shtyrë negociatat. Si ka mundësi? Kjo është mundësia e vetme. Ne morëm dritë jeshile për hapjen e negociatave në vitin 2019. Opozita hedh baltë ndaj procesit. Duhet të themi se Shqipëria sot është një hap pranë procesit, duke na besuar më tepër fatet tona për vazhdimin e reformave. Me një kalendar të qartë veprimi, dhe me një datë në kalendar”, – është shprehur Rama në konferencën e sotme në Kryeministri.
