Kryeministri maqedonas, Zoran Zaev e quan një hap të madh, vendimin e Bashkimit Europian për të çelur negociatat e anëtarësimit.
Duke folur në një konferencë në Vjenë, Zaev tha se hapja e negociatave por edhe ftesa për anëtarësim që pritet të merret nga NATO, janë kontribut vendimtar për zbatimin e marrëveshjes historike me Greqinë.
Ai shprehu angazhimin për të përmbushur të gjitha kriteret e kërkuara nga Bashkimi Europian për hapjen e negociatave vitin e ardhshëm.
Sipas tij, Maqedonia ka bërë lëvizje të madhe përpara në një hapësirë kohore prej një viti dhe nuk do të ndalet në rrugën drejt integrimit Euro-Atlantik.
