“Bashkimi Europian do të nisë bisedimet lidhur me negociatat mes BE-së, Shqipërisë dhe Maqedonisë mbi bazën e ecurisë së tyre lidhur me reformat në qershor të 2019”, – kështu shkruhet në mediat europiane të cilat raportojnë lidhur me hapjen e negociatave të të dy vendeve.
Më herët u bë e ditur nga mbledhjet e qeverive përkatëse europian ditën e sotme. Pritet një vendim i përbashkët i të gjithë shteteve të Bashkimit Europian lidhur me dhënien e statusit të shtetit-negociator për Shqipërinë dhe Maqedoninë. Më herët ishte paralajmëruar që diskutimi do të finalizohej me datë 28 qershor i këtij viti.
Kështu ka deklaruar edhe komisioneri europian për Zgjerimin, Johannes Hahn.
Në një mesazh në “Twitter” ai shprehu kënaqësinë që KE sheh më në fund dritë mbi konkluzionet e zgjerimit.
“I gjithë progresi i vendeve më në fund po shpërblehet”.
