Ka lajme të mira rreth shëndetit të deputetit të Partisë Socialiste Paulin Sterkaj. Vetëm një javë pasi u mësua që kishte pësuar një goditje në tru, që e detyroi që të shtrohej me urgjencë në reanimacionin e Spitalit nr. 5 pranë QSUT në Tiranë, ish kampioni i njohur i mundjes, është ringritur në këmbë.
Lajmi për daljen e ligjvënësit të majtë nga spitali e konfirmoi për Alpenews.al mjekja e njohur, Prof. Mira Rakacolli e cila ka ndjekur nga afër gjendjen shëndetësore të tij. “Paulin Sterkaj është në një gjendje shumë më të mirë shëndetësore dhe ndodhet në fazën e një rikuperimi të shpejtë. Për këtë arësye doli nga spitali dhe është duke u trajtuar në mënyrë intensive në kushte shtëpie”.
Vetë z. Sterkaj komunikoi normalisht me antë të telefonit duke konfirmuar për Alpenews.al se është në një gjendje shumë më të mirë shëndetësore, madje duke ndarë me ne lajmin e ngritjes në këmbë dhe rifillimit të ecjes pas goditjes tinzare që mori pak ditë më parë.
Alpenews.al i uron shërim dhe riaftësim të plotë, për vijimin normal të aktivitetit të tij njerëzor e politik.
Përgatiti” Alpenews.al
