Plot 24 orë pas bërjes publike të lajmit për kapjen e ‘Toyotav-e’ më miliona Euro brenda tyre, ka reaguar edhe Policia e Shtetit.
Në një njoftim për mediat, policia thotë se ka vënë në pranga 4 persona, e 2 të tjerë janë shpallur në kërkim dy të tjerë.
Informacionit e fundit nga policia bëjnë me dije se porositësit janë shtetasit Elvis Vladi dhe Alfred Vladi me origjinë nga Dibra, tashmë të shpallur në kërkim.
Njëri prej tyre, është Alfred Vladi, që sipas burimeve të AlpeNews.al, është edhe miku i Edi Canit (shoferit të kamionit), dhe Alban Mollaymerit (Porositësit të automjeteve).
***************************
Çfarë ndodhi:
Realisht një ‘Toyota Yaris’ e nisur nga Belgjika me 3.4 mln euro brenda është sekuestruar vetëm sot kur anija “Adria”, nisur mbrëmë nga Ankona është ankoruar në portin e Durrësit. Forca të shumta policie të ardhura nga Tirana ishin në gatishmëri për të identifikuar mjetin, që ishte i ngarkuar në një kamion që transportonte në total edhe 8 makina të tjera (7 Toyota, 1 Opel dhe 1 Alfa Romeo). Por informacionet e ardhura nga Interpol ishin tepër të sakta dhe brenda Toyota Yaris janë gjetur paratë e fshehura.
Në këto moment akoma vazhdon numërimi. Preja e kartëmonedhave është 20-she, 50-she dhe 100-she. Policia ka arritur të arrestojë 4 persona deri tani, mes tyre shoferin e kamionit me targë AA 120SP-AFR 559 nga Durrësi, Edi Lika (Cani), i cili është pronari i kompanisë së transportit të automjeteve.
AlpeNews.al
